Daxuyaniyê ma yê Heyetê Caardişî yê Merkezî:
Neteweyê Yewbîyayeyî (NY) Rêxistina Perwerde, Zanist û Kulturî (UNESCO), seba pawitiş û averberdişê ziwanan, roja 21ê Sibate sey Roja Ziwanê Dayîke yê mîyanneteweyî îlan kerd.
NYye 22 serrî veror bi na peymane temînat da ziwananê dayîke yê merdiman û perwerdeyê bi ziwananê dayîke.
Ewro cîhanî ser o merdimî hendê 6900 ziwanan qiseyî kenê. Labelê ameyo dîyarkerdiş ke se ra newayê nê ziwanan heqê perwerdeyê bi ziwanê dayîke ra mehrûm ê û ver bi çinîbîyayîşî şinê. Yanê medenîyetê ma her ke şino zafkulturîya xo vindî keno.
Se serrî veror nê cografyayî ser o bi 20 ziwanan ameyêne qiseykerdiş labelê ewro tena çend ziwanî mendê. Sere de Kurdkî rê (Kirmanckî û Kurmanckî) û heme ziwanê xeynî Tirkî rê îmkanê perwedeyî nêameyo viraştiş heta heme ziwanî ameyê qedexekerdiş. Coka nê ziwanî talûke bin de yê.
Heyetê Pêroyî yê Neteweyê Yewbîyayeyî perwerdeyê bi ziwanê dayîke ser o berpirsîyarî daya heme dewletanê terefan. Amancê na peymane no yo ke ziwanê cîya-cîyayan ê yê ke hetê polîtîkayanê dewletan ra yenê qedexekerdiş, dezgeyanê resmîyan de bêrê bikarardiş û muhafezekerdiş, vernîyê vîndîbîyayîşê zaftewirîya ziwanî ya cîhanî bêro girewtiş.
Ma 21ê Sibate Roja Ziwanê Dayîke pîroz kenê. Ma reyna veng danê ke ganî nê polîtîkayê qedexeyan û asîmîlasyonî ziwanan ser ra bêrê wedartiş.
Partîya Şaran a Demokratîk
Heyetê Caardişî yê Merkezî
21ê Sibata 2021î