5ê Teşrîna Verêne Roja Mamostayan a Cîhanî Heme Kedkaranê Perwerdeyî rê Pîroz bo!

Beyanatê Berpirsê Komîsyonê ma yê Ziwan, Kultur, Huner, Spor û Polîtîkayanê Perwerdeyî Salîm Kaplan.

5ê Teşrîna Verêne hetê rêxistina zanistî û kulturî ya Neteweyê Yewbîyayeyî ya serra 1994î de sey Roja Mamostayan a Cîhanî ameya îlan kerdene. Heme welatan de 5ê Teşrîna Verêne sey Roja Mamostayan yena qebul kerdene labelê Tirkiya na roje qebul nêkerda û Tirkîya de 24ê teşrîna peyêne roja mamostayan a.

Emser jî ma mîyanê tehluke û xeteranê Covîd-19î de na roje pîroz kenê. Semedê hal û rewşê pandemîye kedkarê perwerdeyî zaf astengî û zehmetîye antî û zaf kedkaranê perwerdeyî zî wefat kerd. Desthilatî rewşê kedkaran her ke şî hîna xirab kerd.

Tirkîya goreyê şert û mercanê xebatî yê mamostayan welatêkî apeymende ya. Goreyê daneyanê OECDyî mamosta Tirkîya de hem zaf vêşî gureyênê û hem zî meaşêkî zaf kêmî gênê. Seyî ra 80 yê mamostayan seba ke debara xo bikerê mamosteyî het de karêkî bînî zî kenê. Hîrê ra didiyê înan deynan bin de ciwîyenê. Nînan hetî de mamosteyî raştê tedayan yenê û mobbîngo ke înan ser o yo hona zî dewam keno. Badê Covîd-19î desthilatî bi perwerdeyo dûrî ra xebatê mamostayan kerd 24 saetî û mehfûmê mesaîyî bedilna. 500 hezarî ra vêşêrî mamostayî paweyê tayînî yê. Semedê ke nînê tayînkerdiş ê karanê bînan de bi heqêko zaf kêmî mîyanê tehlukeyan de gureyênê.

Cîhanî de heqê perwerdeyê bi ziwanê dayîke bi haweyêko qanûnî ameyo pawitiş. Tirkîya zî zaf pêameyîşî îmze kerdê labelê hona zî heqê perwerdeyê bi ziwanê dayîke nêameyo dayene, hona zî qedexeyê ziwanê Kurdkî ser o nêameyê wedaritene. 1500 ra vêşêrî mamostayê Kurrdkî mezûn bîyê û paweyê tayînkerdişî yê. Tayn wendegehan de dersê weçînîtî yê Kurdkî estê labelê seba nê dersan mamostayî nînê tayîn kerdene. Coka wendekarî nêşenê nê dersan tercih bikerê û zaf reyan zî rêvebirî nêverdanê wendekarî nê dersan tercih bikerê. Coka 5ê Teşrîna Verêne roja têkoşînê kedkaranê perwerdeyî ya.

Ma zî sey HDP 5ê Teşrîna Verêne Roja Mamostayan a Cîhanî pîroz kenê. Nê rayîrê têkoşînî de ma do zî kaleka kedkaranê perwerdeyî de xo ver ro bidê.

 

Salîm Kaplan

Berpirsê Komîsyonê Ziwan, Kultur, Huner, Spor û Polîtîkayanê Perwerdeyî

5 Teşrîna Verêne 2021