Me agahiya wefata Essa Mousayê ku li Komara Afrîkaya Başûr di têkoşîna li dijî nijadperestî û mêtingeriyê de cih girtiye û parêzeriya Serok Nelson Mandela kiriye bi dilekî xemgîn wergirt.
Mousa, têkoşîna xwe ne tenê ji bo piştevaniya têkoşîna gelê xwe ya azadî, yeksanî û edaletê dimeşand. Mousayê ku mînakeke pir xweşik a piştevaniya navnetewî pêşkêşî cîhanê kir, di heman demê de hevalekî qenc ê gelê Kurd û hêzên demokratîk û aşitîxwaz ê Tirkiyeyê bû.
Mousa endamekî herî girîng ê delegasyonên aşitiyê yên navneteweyî bû û tecrûbeyên pêkanîna aşitî û yeksaniyê; amadekirina hevpeymaneke civakî, yanî qanûnên demokratîk û wekhevîxwaz bi me re parve kir.
Mousa her tim wek bira û hevalekî me yê girîng û qenc dê di hişûbîra me de be.
Em sersaxiyê ji malbat û hevalên Mousa, gelê Komara Afrîkaya Başûr û gelên Tirkiyeyê re dixwazin.
Partiya Demokratîk a Gelan
Lijneya Rêvebirina Navendî
26 Sibat 2017