Hevşaredarên Bajarê Mezin ên Amedê Rûmeta me ne

Piştî desteserkirina keyfî û derqanûnî, hevşaredarên me bi awayekî keyfî û neqanûnî hatin girtin. Îradeya siyasî ya gelê Amedê hate binpêkirin. Hevserokên ku bi dengê bi hezaran kesan hatibûn hilbijartin, bi hincetên pûç û vala hatin girtin.

Hikûmeta AKPê û Erdogan, bi helwesta dijminane ya li dijî îradeya siyasî ya gelê Kurd, dixwaze ku siyaset û muxalefeta demokratîk ji holê rake. 

Hikûmet, bi êrîşkirina bajarekî wek Amedê ya ku ji bo Kurdan maneyeke wê ya sembolîk û dîrokî heye, îradeya gelê Kurd tune dike. Ev xeletiyeke dîrokî ye. Webalê vê xeletiyê dê her li ser Erdogan û AKPê be.

Ne gelê Kurd û tevgera Kurd ne jî hêzên demokrasiya Tirkiyeyê, dê li dijî vê zordestiyê serî netewînin, çong venedin û her ber xwe bidin!

Partiya Demokratîk a Gelan

Lijneya Rêvebirina Navendî

31 Cotmeh 2016