Pêşnûmaya derbarê guherandina makeqanûnê ya tarîxî ya ku dahatûya welatê me eleqedar dike, dê îro li Komcivînê were gotûbêjkirin. Em ê hemû bi hev re bibînin ka gelo Parleman, dê di encama gotûbêjan de biryareke çawa bide.
Lê, 11 endamên Parlemanê bi riyên derqanûnî û bi awayekî siyasî wek “rehîne” hatine girtin û em nikarin li Parlemanê fikr û nêrînên xwe îfade bikin û ji bo guherandina makeqanûnê dengê xwe bi kar bînin. Di vî halî de ev gotûbêjên li ser guherandina makeqanûnê û proseya dengdanê di serî de derqanûnî ye, bigengeşe ye û ne meşrû ye.
Nameyên me yên ku em ji MMMTê re dişînin û tê de fikra xwe îfade dikin, pêşî ji Wezareta Dadmendiyê re tê fakskirin û bi talîmata veşarî ve, nameyên me bi awayekî derqanûnî têne desteserkirin.
Herçend em girtî bin jî, ew nayê wê maneyê ku erka me ya yasadanîn û teftîşkirinê hatiye sinordakirin. Ti ferqa me ya maf û karbidestiyê ji parlementerên li Meclisê yên din nîn e.
Di vê çarçoveyê de, di gotûbêjên guherandina makeqanûnê de, mafê min û yê 10 hevalên min ên din yên zindanîkirî yê dengdana veşarî di her dengdanê de heye.
Em daxwaz dikin û bi giramî radigihînin ku divê Serokatiya we, di her dengdana guherandina makeqanûnê de, mafê me yê dengdana veşarî biparêze û ji bo pêkanîna vê yekê jî derfet û tevdîrên pêwîst wergire.
Reftarên berevajî vê yekê, bi awayekî aşkere dê li dijî rêziknameya navxwe û makeqanûnê be.
Bi rêz û hurmet.
Selahattin Demirtaş
Hevserokê Giştî yê HDPê
Parlementerê Stenbolê
9 Rêbendan 2017
Girtîgeha Edirneyê